Gelagat Pecucuan..

Nah...kali ani, aku kan bekongsi fasal ulah pecucuanku.. Danish Shafiq namanya heheh liat tah usul perangainya ani.. inda mau alah dengan nenek boy nya.. liat saja.. kan belajar main scooter. sebelom bejalan.. mamam dulu hehe..


emm.. nyaman.. sebelom bejalan mesti isi perut dulu kata mama.. takut paning di tengah jalan..


payah jua kan mengabiskan roti ani ah... keras.. gigiku lagi baru 3 bilah..macamana ni?


Emmm.. talan saja tah eyh.. karang ahir ku bejalan ani... hehe..

Hehe jangan ingar... sudah ku talan.. macam tesangkut pulang arah leher ku tapi... hehe diam2 saja.. karang mun mama tau.. kena marahi ku ni..baik ku pura2 senyum saja..nda ketara

Pecucuan ani memang suka beaksi di depan kamera.. tesengih-sengih macam ani.. mun nya macam ani.. senyum tah ia sudah tu,..


Macamana? handsome kah aku ani? cool kah usulnya aku ah...? tolong komen...

bah..aku ready sudah kan bejalan ni... tapi..? macamana kan start enjin scooter ani ah? emmm.. di belakang kali starternya..di sini kali arah kusyen ani... mmmm...


Nenek Boy!!!.. dimana kan menstart scooter ani?..


Baik ku cuba di sini ani..mana tau lurus...


Opocot!!!.. salah takan.. tetakan pulang HORN... alamak.. ku fikir tah sanang kan riding scooter ani..


Eyh.. lain rasaku eyh... macam ada orang meliat aku dari belakang ani.. eeeeeehhh... kambang bulu ku eh...



Macamana ni ah..? susah hatiku eyh.. mana tia mama ani?


Emmm... aku harus befikir ni..mencari jalan macamana ku kan menstart scooter nenek boy ani..


Sambil-sambil atu.. baik ku meliat kurol ku dulu dalam ceramin ani.. mmm.. handsome jua aku ani wah... mmmm..boleh tahan.. sama handsomenya macam nenek boy ku..hehe


Ohh.. padan tah.. rupanya, kata nenek boy..kalau kan riding..mesti pakai hemlet... eyh salah.. bukan hemlet.. HELMET.. hehe

Ya awda.. sebelom membuat perjalanan jauh, pastikan awda memakai helmet yang bersesuaian, pastikan side mirror awda betul... kalau inda betul.. tolong adjust sebelom bejalan...


Tekeduhung ku mengadjust ceramin ani.. sempat ku jua meliat mua ku ah..hehe.. boleh tahan jua kediaku ani rupanya.. tapi... mmmmm.. serious jua mua ku ani ah... macamana kan dapat awek ni...


Ok.. bila dah semuanya OK.. baru tah menstart enjin scooter.. panas kan enjin.. kemudian ....


..baru tah.... VRRRRROOOOMMMM...... Off I go... BYe...

Di catat oleh:


NENEK BOY